هجوم شرس من زوجة الفيشاوي على نمبر ون

بعد ان تم تداول فيديو لزوجة أحمد الفيشاوي ندى الكامل وهي ترقص بجانب سيارتها الفارهة الثمن ، حيث تم التعليق على الفيديو أن سعر السيارة يبلغ مليون جنية ، جاءت ندى الكامل لتنفي ذلك مؤكدة ان ثمنها 2 مليون و600 الف جنيه ، اثارت الجدل حولها وتم انتقادها في كافة المواقع ، حيث اتهموها بتعمد استعراض ممتلاكاتها أمام الجميع، وهو ما نفته بشدة، وشددت على أنها لا تقصد أن تستعرض ممتلكاتها أو تستفز متابعيها.

وقال احد منتقديها  “زعلانه جدا جدا لاني ضد فكره الاستعراض بحاجاتك وتفضل تتمادي لحد ما الحكايه بتبقي مرض..زي ما بيحصل مع فنانين كنير الايام دي.. اه بين حاجتك وانبسط بس مش لازم تقرف الناس ليل نهار انك نمبر زفت وان”.

وأضافت: “حرام فيه ناس لما بتشوف حد بيعمل كده بتتعقد وممكن تعمل اي حاجه عشان اسلوب الضغط النفسي للاستعراض بيخللي الناس عاوزه تكون كده ب اي طريقه وده خطر جدا”، وهو ما اعتبره البعض هجوم على الفنان محمد رمضان.

وكانت زوجة أحمد الفيشاوي قد ردت على الأخبار التي تناولت ثمن سيارتها، بمنشور عبر صفحتها الشخصية بموقع “فيس بوك”، قالت فيه: “إنتوا ناس رخمين وبايخين وتافهين وفاضين، وأنا قررت ابقي زيكوا، عربيتي مش بمليون جنيه عربيتي ثمنها 2 مليون و600 ألف، ودي عربية واحدة من التلاتة اللي عندي وكلهم مفيش منهم غير قليل”.

وأضافت: “إنتوا ناس جهلة ومش عارفين حتى دي أي فئة.. عربيتي E CALSS COUPE، مش cla ولا اللي قولتوه ده، يا رخمين يا جهلة، لازم يعني أعمل showing يعني!! وأبين نعم ربنا ليل نهار ونستعرض والناس اللي حظها قليل نفضل نزهقها بالأخبار دي والتصرفات المريضة اللي للأسف بقت موضة رخيصة عند بعض الناس للأسف، كل إنسان عنده نعمة متاخد منه حاجات قصادها كتير، وأنا أتحدى صاحب الخبر ده وغيره وبطلب منه ياخد ده كله ويعيش عيان وأنا مش عاوزه حاجة غير الصحة وراحة البال والنوم من غير هم أو خوف إني هصحي بكره ولا خلاص”.

واختمت حديثها: “وده إحساس مريع وهلع، وإن ولادي وصحابي وجوزي وعيلتي يكونوا كويسين، الناس اللي ربنا مديها الصحة دي نعمة كبيرة أوعوا تنسوها، حسوا بنعمة الصحة ومش لازم أسلوب الخبر رخيص وغير صحيح ولا يتسم ولا يمت للحقيقة بصلة، يا رخمين”.